يابنت إن كان العيب فيني سعودي - عايض البقمي

يابنت كان العيب فيني سعودي
يالله تزيد العيب هذا ملايين

أحب عيبي وأفتخر به بزودي
وأبا انشره يابنت بأكبر عناوين

حنا رجالٍ كلبونا أسودي
أدنى ولد فينا يروض سلاطين

وإن كان قمنا طار نوم الرقودي
ماعاد نرجع لين ننصر هل الدين

حنا هل التوحيد وأهل الحدودي
من ذمنا يابنت حاسد ومسكين

مانلتفت صوب الضعيف الحقودي
ندوس رأسه داخل التبن والطين

حنا لابو متعب دروع وجنودي
عبدالله إللي لطمته تفقع العين

لاقام جاه من القبايل وفودي
كلاً يقول أبشر وحدد لنا وين

وحنا البقوم أهل الوفا والصمودي
لاجاء نهارٍ فيه وجه الدهر شين

وإن كان جاء في الجو غيم ورعودي
حنا هل الطولات للجار حامين

والجار لو يخطي نزيد الصدودي
نعطيه حقه. بالمواثيق وافين

ولا العدو. يخسى العدو اللدودي
في عينهم حنا سواة السكاكين

من دون مكة والمدينة نذودي
ترخص علينا الروح .للموت ماشين

من جود ربي كلبونا نجودي
محتاجنا كأنه ويملك بلايين

هذا السعودي وارث من الجدودي
من دون دينه يرفع أم النياشين

يشهد لنا التاريخ والله شهودي
أول كتائب جيشنا في فلسطين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر