ياحسافه زلة السان الحبيب
غلطةٍ مني وأنا آتحمل خطاي
أنت تدري منك جرحي مايطيب
ولاتطيب جروح قلبي .. ياغلاي !!
غير لامن صرت من عيني قريب
وأحضن كفوفك وأحس أنك معاي
ليه تمشي بالمفارق يااللبيب ؟
ليه تبحث يابعد عمري خفاي ؟!
مادريت أني من أفراقك صويب
وفي يدينك بلسم القلب وهناي
لاتقول أن الهوى ( قسمه ونصيب )
وتنطفي عن دنيتي شمعة ضياي !!
في غيابك تصطلي نار اللهيب
والعنا والهم ساكن في حشاي
والفراق اللي بروقه ماتغيب ؟
صرت أخّيله كل مالاح بسماي
صرت أحس أني مع العالم غريب
وأشعر بموتي اليا ذعذع هواي
أشهد أن الجرح من صدك عطيب
ياسبايب حسرتي .. وهاجس عناي
بس أراجع ماضي الذكرى وأجيب
صرخةٍ ماكنّها الاّ ( صوت ناي )
يامشيّب بي قبل وقت المشيب
ماتخاف الله 00 ياسبة شقاي ؟!
أرفق بحالي ( فديتك ) يالحبيب
وطالبك ياغايتي تكسب رضاي !!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.