لوعة زماني - عامر بن نوطان

عز الله إن عيني عليها ظليمه
من ذا الزمان اللي لحقني بجوره

يا عين تو الحزن ذعذع نسيمه
والله ما ألومك ذا الزمان معذوره

علي من لوعة زماني هضيمة
واشكي صواب ما تجبر كسوره

اللي على كبدي جعل له وسيمه
حتى الزيارة ما قدرنا نزوره

أمشي مع العالم بقوا العزيمه
وأنا همومي باضمير محشوره

جات الليالي اللي علينا وخيمه
ونجم الفراق اشرق علينا بنوره

يا ونتي ونة خلوج مسيمه
تلعي إلين الفجر بين سحوره

اللي حصل ما عاد منه هزيمه
جف القلم والخط كتبت سطوره

تنقضت كل الجروح القديمه
والحزن في صدري تسيس قصوره

تنهونني يا اهل القلوب السليمه
وأنا علي الموت قلط اسبوره

© 2024 - موقع الشعر