لوعة الفرقا - جراح بن فنيس العجمي

لوعة الفرقا وصكات الليالي
والحزن والويل ودموع الغبينه

والتنهات ورجا خير التوالي
والحسد والنعم يلعن ناقلينه

والشقا ومفارق الغالي لغالي
والفقر والدين ربان السفينه

افتديت الناس في حالي ومالي
وتركوني للحزن نفسي رهينه

اتركوني لشقافي ضيق حالي
مبداء التخفيف عني رافضينه

مادريت ان الصداقة شي خالي
لين شفت الناس حقي ناكرينه

اقرب الخلام في عوني يمالي
ثوب همي في يديهم حايكينه

من يميني يا عرب بيطيب فالي
ما ترجى الذيب لقمة والدينه

ما كلا فضلات ربعه بلخوالي
عاد ياكل فضله اللي حاقرينه

رغم ما جاني من الدنيا وجرالي
شلت فوق الحمل شي عاجزينه

شايل اللي كاسر ظهور الرجالي
أكثر الشجعان ما هم قادرينه

الجميل يبرك وتخشاه الجبالي
يرعب الاحياء والنفس الدفينه

لوعة الفرقا وصكات الليالي
والحزن والويل ودموع الغبينه

© 2024 - موقع الشعر