يالله انـي طالـبـك يـاولـي الصالحـيـن - طامي الرياحي

1 يالله اني طالبك ياولي الصالحين
ياعظيماً ما يخيب رجا منهوا رجاه

2 دلني يارب درب الهداه المهتدين
وحفض الساني عن الزور وعلوم السفاه

3 هب نسناس الهوا ريح ورد وياسمين
وختلط بالعود والمسك والعنبر هواه

4 وانتشت عذرا القصايد يجاذبها الحنين
كل ماسويت لي بيت جا بيتٍ حلاه

5 حيث انا في سيدي دايم اشعاري تزين
يستمد الشعر من فعل ابو متعب بهاه

6 ياسلام الله سلاماً نقوله صادقين
رددته اقلوبنا قبل ترديد الشفاه

7 ياولي العهد ياحصن دولتنا الحصين
ياذرا الشعب السعودي عن البرد وحجاه

8 ياصدوق الوعد والعهد يالرجل الامين
يامقر الطيب ياوافياً يعرف وفاه

9 ياسند شعب الجزيرة كعام العايلين
يازعيماً مالنا عنه في الموقف غناه

10 في القضايا عبقري فكر وسياسي ذهين
تبرم وتنقض ما يبرم على كل اتجاه

11 ما تحركك العواصف شمال ولا يمين
في الخطوب ارسى من اطويق وجبال السراه

12 وان رجعنا للكرم والرجال الاكرمين
انت ما مثلك رجل لاعطاء يجزل عطاه

13 انته اكرم من سحاباً تهطع بالغشين
لو عطاك من البحر كان يبس ونشف ماه

14 حطك الله رحمةٍ للفقارا المعوزين
كم فقيراً جاك وانهيت همه مع شقاه

15 وانت بعد الله نصار للمستنصرين
هبيتك للشايب اسلاح وذراعك عصاه

16 ياعوين اللي ما خلت له الدنيا عوين
ياحزام اللي زمان الشقا زود عناه

17 ياولد صقر الجزيره عذاب المعتدين
فارسٍ يوم ابتعد عن رياضه ما نساه

18 راح ثم عود بالابطال معه مدججين
بالسلاح الابيض اللي ينومس من شراه

19 عشرةٍ منهم من ال السعود الغانمين
يشترون الطيب لو كان غالي مشتراه

20 مع ثلاثه فوق خمسين رجل مواطنين
كل منهم نصرة الحق في الدنيا هواه

21 وحدوا لله ودكوا حصون المشركين
من عدا الامه يصكون بجباهٍ جباه

22 حيهم من عصبةٍ للاله موحدين
قادهم صقر الجزيرة على زمرة عداه

23 جا الرياض بليل فيه الاوادم نايمين
ثم قفز في قلعة الحكم ورجاله وراه

24 واسترد الحكم مصبح وجوه المسلمين
كلاً ايهنيه بالنصر ويدور رضاه

25 وامتطاء صهوة جواده ونادا الطيبين
قالوا ابشر لو تخوض البحر نخوض ماه

26 وابتدا يدعو بدعوة خيار المرسلين
يحمل المصحف بكفه وسيفه في خباه

27 من بغا الاسلام يسلم مع اللي سالمين
والعنيد يعدله سيف محدوداً شباه

28 سيف في قبضة معزي عنا المتزندقين
فارساً كل الفوارس تحاشا عن لقاه

29 صاملاً في الحرب يربك قلوب الصاملين
لاعتزا منه الشجاع البطل خارت قواه

30 وابتدت قدمه تلاشا دعايا المدعين
والمدن قامت تسابق على فية لواه

31 وحد الدوله وجمع بشر متفرقين
قبل حكمه بينهم حرب ما مايبرد لضاه

32 ذاك مذبوحاً بداره وذولا ذابحين
وذا مصبح ذا وذا هاجداً في الليل ذاه

33 ليلةٍ منهوب منهم وليلاً ناهبين
ويوم تلقاهم فقارا ويومن في غناه

34 ومن بقى منهم غني ليل ولا ليلتين
ليله الثالث ما يلقا كما قالوا عشاه

35 والقوي ياكل حقوق الضعوف العاجزين
والحقد والكره والظلم واصل منتهاه

36 جاء الزعيم وزال الاضغان والحقد الدفين
وانتهى عصر الجهل والتعصب والعداه

37 يرحم الله قايداً لم شمل المؤمنين
واستتب الامن والخوف بحسامه محاه

38 وحط منهج دولته شرع رب العالمين
قال حكماً غير حكم الشريعه ما نباه

39 ابو تركي بالعداله بنا البيت الظمين
يرحمه رباً كريماً تعالى في علاه

40 واستلمها سعود وسعود له قلباً فطين
صانها واعلا بناها وعاشت في رفاه

41 واستلمها الفيصل اللي له القاسي يلين
قايداً تشهد له اعداه قدام اصدقاه

42 واستلمها خالد الخير عون المعسرين
عاهلاً زاد البنا بني عالي واحتماه

43 واستلمها اللي لتطويرها مد اليدين
رايد النهضه بها فهد فزعة من نخاه

44 قادها لين اصبحت فخر للمتفاخرين
قايداً فيه الوفا والكرم والانتباه

45 والذكا والحلم والعلم والعقل الرزين
والتواضع والتسامح وتاديب العصاه

46 وفيه نخوه مع شجاعه وبه تقوا ودين
هو حمانا هو ذرانا عسى يبطي بقاه

47 غير اسمه من جلاله لخادم حرمين
مخلصاً لله في كل مسعى لا سعاه

48 وانت ياعضد الفهد فخرنا في كل حين
ياولي العهد عون الضعيف وملتجاه

49 عن وصوفك تعجز اقلام كل الكاتبين
من بغى ياصفك ينشب لسانه في جماه

50 انت اشد من الصخر للعدى والحاقدين
وانت خيرك لو يعده معدد ما حصاه

51 وابو خالد للمواطن بعد ربي معين
حي سلطان الكرم عون من وقته حداه

52 والشرف والطيب والمجد والجود المكين
قسم لال سعود مافيه شكٍ واشتباه

53 هم ولاة الامر وحنا الجنود الطايعين
نحمد اللي حطهم في جزيرتنا ولاه

54 قبلهم كنا كما قيل بدواً جاهلين
كلنا ما نعرف الا رعي ناقه وشاه

55 درسونا لين صرنا رجالٍ فاهمين
لافوارق بين حضر المدينه والبداه

56 واصطفوا منا رياجيل علم مؤهلين
عينوهم في المناصب ووصوهم وصاه

57 اعد لوا بين البشر لاتكونوا مايلين
واخلصوا فاعمالكم والوطن علوا بناه

58 واستمروا وانجزوا ماهم ابه موكلين
ونجحوا بتوفيق من كون الكون ورعاه

59 وانتي انتي يابلادي ياعشق العاشقين
ياوطنا اللي نشينا على طاهر ثراه

60 سارعي نحوا التطور بعزم المخلصين
خلي الحاسد تزايد غبونه في حشاه

61 فيك محسودين وانتي علينا تحسدين
والحسود يموت ماهد صرح ولا بناه

62 اطلعي بالعلم يادار فوق الفرقدين
وان تعرض لك حسودك ترا نا لك حماه

63 دون حدك يابلادي جنوداً باسلين
نشتريك بطاهر الدم ونبيع الحياه

64 كلنا قاده وشعباً وفي متكاتفين
لاتهاون لا تراخي لا غدر ولا دناه

65 يشهد العالم وربي خيار الشاهدين
يوم جار السؤ حاول يعرظنا لاذاه

66 قاموا القاده وقمنا جميع مدافعين
عن وطنا اللي تغذا لحمنا من غذاه

67 وتبت ايدين العدى الحاقدين الطامعين
ينصر الله من يطيعه ويخذل من عصاه

68 يقف بيت الشعر وال السعود مواصلين
سعيهم لجل الوطن يصعدون بمستواه

69 لو سمح لي سيدي باتكلم كلمتين
عن بعض ما شفت واوحيت عن فعل الطغاه

70 الطغاه اللي للأ قصى يامير محاصرين
اليهود الخاينين الملاعين الجناه

71 يحكمون بحكم عرفي على المستضعفين
يسلبون الرجل ماله وينتهكوا حماه

72 كم رجال بلا سبب بالحديد مكبلين
يكتب اكبرهم جريمه يدافع عن نساه

73 واليتامى باكبر ادموعهم مستنجدين
كل منهم يذرف الدمع يومه مع مساه

74 من همومه يصرخ بصرخة الحر الحزين
صرخةٍ جاوب لها منبر القدس بنداه

75 وانطلق طفل االحجاره بعزماً مايلين
صادم الدبابه ام الجنازر بالحصاه

76 والثكالاء غطرفاً واصفقا له باليدين
قالن اصمد واطيب االقوم ياخذ ثار اباه

77 وان سقط في المعركه من رصاص االملحدين
كل راساًٍ حر فوق البطل ينهل ماه

78 اليهود بقتل الاطفال صاروا مسرفين
يقتلون الطفل من دون ذنبٍ له جناه

79 مثل قتل االدره اللي قتل باصرار شين
من حقدهم جاعلينه هدف قدم الرماه

80 يلتوي بابوه ويصيح بابا اروح وين
ويتذرى فيه لكن ماسره ذراه

81 والابو يصرخ ولا كنهم له سامعين
لين طاح الطفل مقتول سابح في دماه

82 القهر والظلم يامير يبكي كل عين
والبطل يغضب لاجاء للشرف نذلٍ وطاه

83 والله إنا مانسيناك يا اولى القبلتين
لا ولا ننسى يتيمٍ بك ازعجنا بكاه

84 واكبر ادله على إنا للاقصى ذاكرين
وان شعبه ذاكرينه ما احد منا نساه

85 فعل قادتنا وميقافهم طول السنين
جنب شعب القدس حتى يحقق مبتغاه

86 يبذلون المال والجهد والراي السمين
والمواطن خلفهم بان في الموقف سخاه

87 كلنا نعطي قيادة وطن ومواطنين
حتى طفل المدرسه قام يعطي ما لقاه

88 العطى نعطيه لله رب الععالمين
ماندور عند هذا ولا هذا جزاه

89 ياعرب يا اهل العوايد ياعز المنتخين
صخرة القدس الشريفه تنادي بالبراه

90 لطخة بالرجس والعار وين الفاتحين
وينكم يا جيوش الاسلام قاسين القناه

91 صفوا الانفس وقوموا وحنا الاولين
نقف موقف رجل والحرب دايرةٍ رحاه

92 لاتصافينا وسرنا سوا متعاضدين
كل منا نصر الاسلام هو غاية مناه

93 والله انه ماشحنا شارون وبن عامين
كل منهم ضيفته حرباً تطعن شواه

94 هيا ناقف كلنا ضد شارون اللعين
هيا نقطع من يعينه وياقف من وراه

95 هيا هيا لا متى نقف كاالمتفرجين
والخسيس النذل شارون زايد في غياه

96 ذي بنات الفكر صخرتها قافٍ ثمين
ماطلبت العو ن فيها سواء عون الإلاه

97 ماسرقت ابياته من قصيد القاصدين
هيض فكراً حب نضم القوافي من صباه

98 ويش ابا بالشعر كانه ما يمشي فيك زين
ياولي العهد ياعون من وقته قصاه

99 يالساني وقف الشعر بيحت الكنين
يكفي الشاعر مية بيت شعراً منتقاه

100 واخر ابياتي تحيه لكم ياحاضرين
والمعذره كان ياسيدي فيها خطاه

© 2024 - موقع الشعر