جاملت لجل افـلان وفـلان وفـلان - طامي الرياحي

جاملت لجل افلان وفلان وفلان
ارجي عسى المخطي تعدل حواله

وكثر المجامل مع قليلين الاحسان
خلى ضعيف العقل يعجب بحاله

لو قلت له غلطان قال انت غلطان
واكبر خطى عنده يشوفه عداله

واليوم مافي احتمل غلطة السان
من واحداً فعل الخطا راس ماله

للصبر حد وللمداراه حدان
ولا حمل الله شخص فوق احتماله

واللي على درب الردا ساق الاضعان
ما ينفعه لوطاب جده وخاله

ياكم رماد(ن) باقين بعد نيران
وكم بن صافي ما بقى الا حثاله

يقطعك ياوقت القصى والتمحان
اللي على الطيب تصارخ محاله

والخبل سوا له مخالب وجنحان
واعطاه لين ارضاه واكرم سباله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر