لذيب غره سمعة الذيب وانغر

لذيب غره سمعة الذيب وانغر
مايدري إن الناس فيهم ذيابه

كم ليلة قام يتبختر مع البر
مع قوّته مع سطوته حد نابه

مايمنعه بردٍ ولا يمنعه حر
كم من قطيعٍ فالصحاري عثابه

وف إحدى الليالي صادفه ليلٍ أقشر
والله بلاه بواحدٍ من عتابه

رجلٍ اليا شاف الخطر قال أنا أخطر
يقدم على جل الخطر ما يهابه

قرر يصيد الذيب في الليل الأسمر
صدّر قراره فالخلا واعتدابه

وبعد هجادٍ طال في الكر والفر
سيطر على سرحان خصمه وجابه

وقال استرح في الشبك يالذيب الأحمر
وضمن مصاريف السبع واعتنابه

يابو بدر جعلك بعيدٍ عن الشر
ترى يجي لذياب نجد انقلابة

خلك على ماقيل حذرٍ محذّر
وبلّغ سلامي عزوتي بالنيابة