ترحيبه بشيوخ عتيبة - ضيف الله بن سويلم العتيبي

هلا مرحبا مالاح بارق وهبّت نود
باسم عزوتي مليون مليون ترحيبة

هلا بالشيوخ أهل الوفا والفخر والجود
مشايخ عتيبة قدوتي عزوة عتيبة

شيوخٍ لهم مجدٍ مسجّل بدون حدود
لهم فالوغى سطوة لهم فالرخا هيبة

تلاحمكم المشهود هو عزنا المشهود
اقوله ومن شاف القنوات يحكي به

عتيبة هل النخوة وهم نصرة المضهود
صقورٍ مواكرها بعالي مراقيبه

هل الشلف والسيف الحدب وأشهب البارود
وخيلٍ وجيشٍ عوص شيبٍ محاقيبه

وباق القبايل فالوفا ماعليهم زود
نقوله وراع الحق نكمل مواجيبه

ولنا مع كفاح البطل عبد العزيز شهود
ولنا موقفٍ كل المخاليق تدريبه

تحت راية التوحيد قادة وصف جنود
ولنا فإنتصار الحق فعلٍ نماريبه

وحكمها الإمام وصار حكم العدل موجود
وأزال الفتن والظلم قفّت مناديبه

واتموا نظام العود بعده عيال العود
وساروا على نهجه وحكمه وأساليبه

عسى الله يديم أمن الوطن في ذرى آل سعود
وصلوا على اللي ساكنٍ في ثرى طيبة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر