الأرض جفت يوم وقف مطرها .... والشي لامن راح ماينفع الصوت
سهيت لحظه هايم في نحرها ..... كنت أحسبنه حلم ياناس ويفوت
في ليله ماينعرف من قمرها ..... جتني حياتي لين حسيت بالموت
لبا العيون اللي خذاني نظرها ..... وفديت خشتها من التوت للتوت
عوبا وكف العين تخشي خطرها .... إن عمرت بيتين تهدم لها بيوت
إن كانها المينا تراني بحرها ..... أشواقي المحار وأحيان ياقوت
ليت الهبوب اللي تلاعب شعرها ..... تجعل غلاها بين الأضلاع منحوت
الله من قلبن يزيد ارتهاجه
يلعب به الهاجوس مع كل فجي
كنه على موج البحرفوق ساجه
بعواصف منها البحر مستلجي
الدمع من عيني يزيد انزعاجه
يشدي هماليل السحاب المحجي
على عشير صار للقلب حاجه
متولع به وعنه عيا يسجي
عامر واقلبي على الحب عاجه
وقلب الشقا طول عليه الترجي
ان قذني بالعين واسفر حجاجه
سهوم طرفه للضماير تخجي
قلبي مريض وشوف خلي علاجه
ومشاهدالغالي فريضه وحجي
قلت المواجه قال مامن مواجه
الليل قمرا و الضواري تلجي
ياصاحبي رحماك بالوصل فاجه
حي حياته عندغيرك تلجي
ان جيت لك قلبي يزيد ابتهاجه
ولك كل بيبان الضماير تهجي
يانورليلي وانت مشعل سراجه
ياجنتي ماغيرك أحدن يهجي
الحب مابه ياعشيري لجاجه
وحبن ماهو حبي ظلام مدجي
الرجل تمشي لين تاصل مداجه
بارض سقاهاكل مزن مرجي
من رايح برقه يزيد التعاجه
وبله حقوق ولاتقفاه عجي
برحل معك لوقالوا الناس ممنوع..
دامك تبيني والله إني تبيعك..
خذني معك روحه ولاتطري رجوع..
من زود حبك صرت أدلك وأضيعك..
غيرت مافيني من سلوم وطبوع..
وأقول(فدوه) لاغدن من صنيعك..
خل الزعل لاتجيبه بيني وبينك/خل الزعل صاحبك مايواطن الضيقه
انا ماصدقت امسك راحه ايدينك/يوم انت حلم علي صعب تحقيقه
لو تاقف الخلق ماتسوا مواطيك/ياللي بوادر لسانه سكر بريقه
أعشقك كلك كذا في زينك وشينك/ياللي قصيدي تثنالك طواريقه
اغليك واغلي معك اغلى محبينك/لوصرت انا اللي تحمل فوق ماطيقه
وان قلت ياصاحبي في زينك وشينك/اضيعك بين تغريبه وتشريقه
كذا أحبك وعزت ديني ودينك/ماعاتب الحظ لو هو قل توفيقه
خليني ساكت عالحقيقه ومقهور ........ تري الحقيقه بعض الأحيان مره
أزعل وأجنب عنك مابين شعور ......... وبعض الزعل لاجاك يكفيك شره