قصيدة مهداة لسعادة اللواءِِ على حباب العتيبي - صقر زايد الفقيه الثعلي

سلام يارجل الوفاء والعقيده
تسليمة تبري مرض كل ملهود

الأوله عيدك عسى الله يعيده
الله يعيد العيد بالخير ويعود

والثانية عبرت لك في القصيده
امعايده والنا مطالب ومقصود

ياعلي ما عندي علوم جديده
راحت دعاوي بين حاوي ومردود

تقديمنا قبل الجمل والعبيده
مير اعترض في دربنا كل مقرود

كل البلاد من الامن مستفيده
غير المحاني دونه الباب مسدود

ياعلي يا راع الخصال الحميده
فيك الوفاء والخير والطيب موجود

كل العلوم الطيبه في رصيدة
معروف مايحتاج تعريف وشهود

معروف بخصاله والارياءالسديده
يحل فكره كل ملوي ومعقود

تعبت اراجع وامسافه بعيده
على المريض وصاحب الشان والعود

انظر لنا بالعين نظره مفيده
ان كان ما راع المحاني بمحسود

ان كان ماجاء السيف صلب حديده
مايقضي اللازم ولا يقطع العود

والأمن تكميل الحياة السعيده
ولإحتكارمخالف راي ال سعود

ثم انشد الجربوع عما يريده
تقول غاد له من المال مفقود

واللي زرع له زرع يلقى حصيده
غدا مراجيعه على القبر والدود

وصلوا علىراع الخصال المجيده
اللي تكلم لجله الجذع والعود

© 2022 - موقع الشعر