بين صقر الثعلي وهادي العازمي - صقر زايد الفقيه الثعلي

يقال ان أحد شعراء الثعاليه أهل المحاني
جار عليه الدهر وحدته الظروف وقد نصى قبيلة

العوازم من الروقه وكانو كما عرف عنهم أهل
كرم وفزعه ونخوه ثم قال هذه الابيات :-

يوم ان حملي زاد وازريت اشيله
وقصرت خطاي وكل شياً يكودها

لقيت العوازم ياعوارف قبيله
شناخيب ضلعاناً اطوالاً حيودها

تعرف منازلهم علو البتيله
كما الحربه اللي جبها حشو عودها

نصيتهم يوم المواشي قليله
واقول نعم وكل ما اصبحت ازودها

***
فرد الشاعر هادي بن عايض بن شنيف العازمي

الروقي بقصيده وجهها الى الشاعر الراوي/
صقر بن زايد بن ثعلي يقول:-

سمعت للثعلي بيوتاً جزيله
وبديت اعدل فالقوافي ردودها

ابي اجتهد في قافها وانتقيله
واجمع شاريدها واطوع شرودها

ايقظ هواجيسي بضمون قيله
ذيك السنين الي قليلاً ركودها

يوم الرحل ضده بحمله وميله
وقت الجمال الحمر تشكي لهودها

ونصى الرجال اهل الكرم والاصيله
مثل الجبال ابها ملاجي اوسودها

ثوابتاً ميل الدهر ترتكيله
وان عودو للطول صعباً صعودها

ولقى الكرم يوم السنين البخيله
واللي لقا ورث العرب عن جدودها

ياصقر خيل من وراكم مخيله
اللي بعيد النزل سمعو رعودها

هلت على جو وكثرو نزيله
من ربعنا اللي كان يصدق عهودها

قالو ذياب اقبل ويومي شليله
نصى الزناتي والكحيله يقودها

وبنت الجمال الم العيون الكحيله
القوم مايرضون تلمس انهودها

عليا لابو زيد الطموح الجميله
يحبها من طيب اهلها وجودها

يعرف سلامة من شبابه وهيله
ام الكرام وطيب الماء عدودها

كلاعرفها من سنيناً طويله
لو يطلب التعديل منكم شهودها

والناس كلاً له صديق ويجيله
وصديقة ابو زيد عليا يرودها

لو انها جاها من الجار عيله
قلنا يافازعها لاتطمع بذودها

حيث انها بين الرفاقه دخيله
(ثعلي) سواعدها و(مرزق) عضودها

ماتنكسب ياكاسبين النفيله
يااطناب خيمتها وثابت عمودها

الحق واضح والقناعه فضيله
لا يغضب الصاحب ويفرح حسودها

رجلاً ليا هب الهوى ينثنيله
ورجلاً على الشدات يصبر بكودها

يصبر وماشال البليلهي يشيله
ويحل نشبات العقد من عقودها

لاجات صعبات الحمول الثقيله
الجود ورث وكل ناسً وجودها

والي زرع له زرع يجني الحصيله
ياقوم من له غلطةً لا يعودها

رجال في سود الليالي دليله
وان جات لاجات المحن من جنودها

ورجال مفعوله ورجال خيله
ورجال سمي بالكبار وقعودها

قد قالها اللي مابوقته مثيله
اسم الشجاعه في زمانه يسودها

صلو على مبعوث ربه خليله
عداد ماحجو لمكه وفودها

***
فقام الراوي الشاعر صقر بن ثعلي وسئل

عن أبيات الثعلي التي نسبت لأهل المحاني
ولم يتأكد من صحتها ثم رد على الشاعر

هادي بن شيف بهذه القصيده :-
ياراكب اللي مابعد فقك ويله

من نوع رواد الفضاء اللي يرودها
يوم اذن المذن وكف تهليله

قد ربط حزامه وشغل وقودها
خمس دقايق قد تعتدى سحيله

و من مثلها عن العوازم يقودها
وسلم على هادي وكل القبيله

من دون اعد نمورها مع فهودها
الادعاصي محتمين الدبيله

ربع مع الشدات تقدح زنودها
وقله ترى جاب الرساله رسيله

أرسالة تحوي العجايب بنودها
مرسول من هادي منجي دخيله

شوق الفروع الي تمشط جعودها
اخبرني المرسول قدام اسيله

عن حالكم من فضل ربي وجودها
خط على راسي عن الحزم اشيله

يامرحبا عداد ماهب نودها
ورحبت كثر خيال نوالمخيله

عداد ماتذري الذواري نفودها
ترحيبة تبرى الكبود العليله

حلو العسل للي مراض كبودها
الشاعر اللي ماغوي في دليله

يعدد امجاده وحنى شهودها
يذكر خيال ماتعدى مسيله

هبت له النكبى والأزيب يذودها
سكانها ماجو عليها نزيله

باقين في بيض الليالي وسودها
عاشو محل الدوله المستقيله

وهم حرسها لن كان غابو جنودها
راح الشريف وجاء السعودي بديله

ولقى السعاده من مشى مع سعودها
وعلياء بعد راح ابوزيد لوكيله

تحل حبتها ولمست خدودها
بعد تهيات لزناتي حليله

وابو مخيمر كبها مايرودها
وحنا معك فالحال باية وسيله

لو خضتو اعماق البحور وسدودها
انتم وحنا دمنا من فصيله

وحياة خلاق العرب ومعبودها
واللي يسبل ليش يتبع سبيله

سبيل لرجال غطتها لحودها
يوم انت من ناس خطاها طويله

مثل الشجره اللي يضلل فنودها
وحنا نحامي العبدلي والعضيله

ومن الغرب عدت للمشاوي قرودها
ولافيه عن درب الرسول تحويله

سنة محمد ماشقحنا حدودها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر