(يا بوك) قصيده مهداة على لسان كل الاباء لابنائهم - حاتم منصور

يا بوك لا تكره قساوة ... يديني
أقسى تراني ياحبيبي .. عشانك

تراك تلقى منهو أقسى يا عيني
دنياك هذي تأخذك من .. مكانك

ابيك قاسي دوم دنيا . . و ديني
ابغاك ناجح دوم في كل : شانك

ابغاك تعرف ويش حق .. اليقيني
امشي الصراط ولايهمك حنانك

احيان تغفل يا : يسار او يميني
خل الفطانه نور و ارفع كيانك

ودي اشوف الفرح باقي سنيني
ودي يقولوا عز ما يوم . . هانك

لا تعتذر عن درس جاك بيديني
خله يجيك الدرس من شخص عانك

ما ودي اخسر يا حبيبي جنيني
مادامني للحين بأول . . . آوانك

ودي اقول ولي عهدي .. ضنيني
و يقولوا ادع لرجل عزك وصانك

هيا حبيبي قول يسلم . . جبيني
و اعطيه بوسه لجل يرضى أمانك

© 2024 - موقع الشعر