انت حبك يا بريدة لك شعاب
الشعاب اللي تمدك من سنين
ما يروح القلب عنْك وما يغاب
في عروقي شاربٍ منك الحنين
يوم ابعد ما هنا زاد وشراب
لين اشاهد منك هالبرج الحسين
صار بنيانك على هام السحاب
نرسم الخطة ونصبح عامرين
كل مرفق داخلك عز ورحاب
صايرن خدمة لضيف وساكنين
في شوارع ديرتي فنُّ وحساب
ساحراتٍ في جماله ناظرين
زان زرعك واعتلى واثمروطاب
صادر اثماره شمال ومن يمين
ناهين تمرك كنيزٍ أو رطاب
كل نوعٍ ما يبي له من ضمين
في ربوع الارض زاد الاجتلاب
كل بيتٍ داخله تمرٍ ثمين
شادت انعامك مدينه من حقاب
سوقك اكبر سوق عند العالمين
بالتجاره وصفها كلّه صواب
في سابق الوقت والوقت
شايلينه اهلها فوق الجبين
قبلٍ عقيلات شدوا في ركاب
منك راحوا مصرُ شام ورافدين
واهلك اليوم افتحوا له كل باب
كل بابٍ جالب الخير ومعين
قلت وصفك يا بريدة باقتضاب
يا بريدة شامخة في كل حين
انت شوق العين شوقك ما يشاب
وانت مهد الروح والقلب الضنين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.