يامجالسنا على الطيب استعزي
عزك الله من عزيزين الجنابي
والخواطر جعلها ماتستحزي
والجبال جبال ما هيب الهضابي
لابتي لافعولها قلبي يفزي
كل عايل يعدلونه للصوابي
ترفع البارق ويثبت مايهزي
ماعليه من العواصف والضبابي
وارثينٍ مجدنا طيبن وعزي
ابلج ماخالطه عج وسرابي
من سمع بفعولنا نومه يقزي
ومن نطحنا شاب في عز الشبابي
البقوم اهل الرماح اللي تكزي
في نحور اللي عدو 00 موت وعذابي
في القلوب وفى الكبود الها مغزي
وفى الرقاب ومن تحت ذيك العلابي
وكم شيخٍ لز فوق الخيل لزي
وكم عقيدٍ طوحوا به فى الجنابي
وكم شجيع وزه الشيطان وزي
لين منهم شاف دمه والصوابي
نز دم العرق والشريان نزي
من فعول زحولنا شاف العذابي
والله انا سم وسقم المسترزي
رعدنا يرعد على متن السحابي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.