كانونك

لـ احمد الخالدي، ، في العتب والفراق، 32، آخر تحديث

كانونك - احمد الخالدي

أنا مثلي مثل روحٍ تنازع والجسد جلباب
خذوا جلبابها وتصيح تكفى ضبني دونك

يضج بداخل ضلوعي خفوقٍ منهك ومنصاب
يناديلك قبل ترحل على هونك على هونك

على هونك قبل ترحل على خبري تقول احباب
أجل وشلون تتركني قبل لا توفي ديونك

انا والشعر واحساسي على سطر الورق ننساب
فلا تصدق ردى الهقوه ليا شانت بي ظنونك

غيابك اه يا غيابك سكاكين ورمح وحراب
تغربل في جسد منهك وانا اتغاضى عن طعونك

غيابك اه يا غيابك زعاف الموت دون انياب
وانا الميت على اية حال قبل اتغيب بعيونك

وانا بيني وما بيني اسولفني عن الغياب
عقب ما غبت بابياتي جميع الخلق يلقونك

ولا لي ذنب الا اني أحب ولا حسبت حساب
يجي يوم وتخليني يا تلع الجيد مجنونك

ياليت العمر لو يرجع ولو لحظه نعود اقراب
وسط جوفي لظى نارٍ تطفي برد كانونك

كثر حبك بحفاقي انا شايل عليك عتاب
ومهما تغيب لا تصدق يجي يوم وأنا اخونك

ولا به شي بالدنيا يوترّني ومنه ارتاب
سوى حظورك أو ينادوا سميّك أو يطرونك

لك الله حيل يشتاقك شعورٍ ما حواه كتآب
ولكنه مع احساسي وصدق الشوق يقرونك

© 2026 - موقع الشعر