(( يانجم بنخاك يومك فزعتلي ))

تل قلبي مثل سبق الطير تليفي يدين اللي
مع اسبوقه يتله

فوق يمنى بالدسوس وشالت اللي
كفخة الجنحان دايم عادةٍله

نزّل البرقع وعينه شافت اللي
ذبحة العشاق دايم عادة له

الهنوف اللي تغنج شاقة اللي
من هواها مارقد في ساعةٍ له

كل ماعيني تشوفه سّلت اللي
كنها سيف تلامع سلةٍ له

من عيون(ن)يوم شافة دمعةٍ لي
من قساها ماتحرك دمعةٍ له

حافظ(ن)وسط الضماير صورة اللي
لوتغيب في الضماير صورةٍله

حال قلبي يوم اوصف حالة اللي
مالقاله طب ياصف حالةٍ له

والهوى والهجر دايم علة اللي
من هوى الخفرات شايل علةٍله

من سبايب من يوقد شعلة اللي
في ضميره مايبين عازةٍ له

والشجاعه والحماسه خانة اللي
كل فعل(ن)صعب دايم غايةٍ له

هو رجاي وهو مناي وغاية اللي
يرجي المولى يحقق منوةٍله

طاوين قلبي بحبك طيّت اللي
في ديار الغرب طاوي حاجتله

يامناي وغايتي يامنوة اللي
حاله وماله عساها فدوةٍله

ويانديبي برسلك في رسلةٍ لي
يم قرم(ن)من قروم(ن)عزوتله

من قروف فى القدايم عزوة اللي
لاحدوه خصوم قاموا نصرةٍ له

لابةٍ بين القبايل صفوة اللي
كل علم(ن)باالكرامه صفوةٍ له

من بقوم (ن)فى الملاقى طاقة اللي
مااستطاعوا غيرهم في طاقةٍ له

ولادخلنا باالمذله طاعة اللي
تحت راي الترك راحوا ذلةٍ له

واقطع الخط السريع بسرعة اللي
مثل صاروخ(ن)طلق من قاعةٍ له

ثار بنزيمه وغازه ثورة اللي
الهدف محطوط قدمه شارةٍ له

كل درب(ن)نقطعه في حشمت اللي
الركايب لامشت من حشمتٍ له

ولاوصلت الحي عاين درفةٍ اللي
مشرع البيبان فاتح درفةٍ له

وده انه دووم يقضي حاجة اللي
لا لفا له راح حزنه فرحةٍ له

دلته في مجلسه مع فذة اللي
من نخل دجنه تنقى فذةٍ له

واشرب الفنجال كايف قهوة اللي
للمسير دوم كايف دلةٍ له

الهوى يانجم كنه صنعة(ن)لي
ماربح يانجم من هو صنعةٍ له

يانجم فى ا لدون صارت حالة اللي
شغلة العشاق صارت شغلةٍ له

يانجم بنخاك يومك فزعةٍ اللي
لاحداه الضيم دايم فزعةٍ له

عادتك فى الوقت دايم نجدة اللي
مالقا له في زمنّا نجدةٍ له

والليالي من قشرها حدة اللي
فى المعادي مايربح حدةٍ له

راح وقت الطيب وهاذي حزة اللي
جعل ربي مايطول خزةٍ له