حلفت عن حبك بجنب وابى توب
ولا ادري وش اللي يم حبك حداني
اصبحت خال الفكر والعقل مسلوب
وان كان ماشفتك خيالي دعاني
ماادري مقدر لي عذابي ومكتوب
واصبر واصابر والله اللي بلاني
انشهد اني من سبايبك مغلوب
عذلت قلبي مير قلبي عصاني
ياليتني ماكنت طالب ومطلوب
ولا عشقة احدٍ ولا احدٍ هواني
اخاف تال الوقت تطويحة الثوب
ويقال هذا اللي غدره الزماني
يابنت انا من ساس قومٍ ومحسوب
يوم انها كانت بكسب اليماني
يشهد لنا لا صاح صايح ومنهوب
من بعد خوفه عاش بامن وطماني
ويشهد لنا سيف به الدم مخضوب
وتشهد لنا خيلٍ خطمها العناني
ويشهد لنا من طاح فى الحزم مصيوب
و يشهد لنا من نلحقه بالعياني
يابنت ربعي مكملة كل ماجوب
وساع الصدور مكبرين الصواني
يابنت ربعي يوم سالب ومسلوب
دايم هل الطاله ((ظهور السواني))

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر