ياشديّد قامت هجوسه تحـــــــــــــــــــــزه ؟؟؟

احمد اللي ينحمد في كل حزه
ربنا المعبود مايعبد سواه

خالق الانسان من طينٍ وعزه
باالهدايه والعقل ربي كساه

والعلم من فوق ساريته نرزه
كل ماطارٍ على فكري دعاه

لاذكرت اللي لهم قدر ومعزه
القلم في ايدي ناظر للدواه

القلم حبره على الاوراق نزه
باالوفا والقدر قصينا خطاه

والفكر جاله هواجيسٍ تفزه
واستهاض ومستمرٍ في مداه

(ياشديد)قامت هجوسه تحزه
وانت درع الجنب في اللين وقساه

والعواصف كل ضلعٍ ماتهزه
من جميع الارض والا من سماه

في جنوب الارض والا وسط غزه
ذي قوانين الطبيعه والحياه

وكل صندوقٍ يبيّن فيه كنزه
لافتحته بان مكنوزٍ غطاه

اخوكم / ابومقرن
وهذا رد شديد الرياحي.

الكلام الزين والمرسول ادزه
صوب رجال ( ن ) يكرم من نصاه

ماعمل للباب دون الظيف رزه
فاتح بابه ومن جاله لقاه

ابو مقرن دام رب البيت عزه
راينا واحد ولانشقر عصاه

الخلال بعين حاسدنا نطزه
ثابتين ونشبه جبال السراه

الرفيق اللي رفيقه يستفزه
بالخطاء وان قال هرج ماحماه

بضوق دروب البشر ركبه يلزه
خابت امه مايميز مستواه

ودك ان الخد في وجهه تكزه
ظالم نفسه وهذا من جزاه

الطريق الشين بعيونه يقزه
والطريق الزين يغضي مايباه

يانزيه الرأي يالشهم المنزه
لايهمك غيض جاهل من رضاه

الكلام اللي يضر الناس وزه
لاتكبه كل من جاله قراه