اعداد ركض الخيل - صقر الصقر

هذه قصيدة الاخ حمود بن غنام المرزوقي
مبروك أبو مقرن على هالبشاره

مبروك والله عد ما غرد الطير
ماهي على عاتق سواتك خساره

لا والله الا مكسب(ن) للمناعير
سلمت يمين (ن) وقعت له قراره

صقر(ن) على وضح النقا واصل السير
الصبر طبعه والثقافة شعاره

حر(ن) تربى في بيوت المغاوير
مثل القمر كل(ن) يشاهد مداره

نجمه سطع بين النجوم المشاهير
عسى يمينه ما تجيها الجباره

ويعيش رأسه ما تجيه المقادير
واجب نهنيه بصريح العباره

ولو صرت ناسي ما تفيد المعاذير
وهذا رد صقر الصقر (ابومقرن ) على ابن العم حمود بن غنام المرزوقي

اعداد ركض الخيل في كل غاره
واعداد ماثور عجاج ومعاصير

واعداد مااقبل ليل واقفى نهاره
يامرحبا بك ياصبي المخاسير

حرٍ مسلسل من مواكر حراره
حمود بن غنام جزل التعابير

سعدٍ لربعه والقبايل وجاره
من الاد مرزوق الوجيه المسافير

والزند مايقدح بليا شراره
يافرحة المضيوم وقت المحاضير

جتنا تهانيكم بشوق وحراره
راع الوفا اللي ماذكر فيه تقصير

مثل الحلا للضيف زايد وقاره
ومثل المراره كان جا فيه تكدير

© 2024 - موقع الشعر