فكرةٍ بالعقـل تـارد وفكـره صـادره - صقر الصقر

فكرةٍ بالعقل تارد وفكره صادره
والقلم محتار ودموع عينه حايرات

رحلة(ن)بارض المطار ورحلتين مغادره
شتت افكاري وخلى عيوني ساهرات

انت وصفك فى الخلايق وصوفٍ نادره
وانته اللي جامعٍ بين حسنك والصفات

الشقر من هامتك لين وسطك حادره
والعيون الموت من غير وجهك والشفاة

والمشاعر يمك امواج بحرٍ هادره
والعقل في وسطها قاربٍ يبغى النجاة

اه من حبك وضيم الليال الغادره
ليت كل اللي مضى لي طريق المقبلات

مير ماكلٍ على اللي يريده قادره
وكل شيٍ فات فى العمر قالوا عنه مات

© 2024 - موقع الشعر