على فكرة

ما عادني حمل أحب أيام ثمّ أكره
ولابي على تقلب الاجواء من طاقه

الطير عقب الصبر طار وترك وكره
الكل ياخذ نصيبه لو تعب ساقه

بمان من حطّك بقلبي وعلى فكره
قل المواصل هدام الحظ واحراقه

ياما رجيتك عمر . والقلب لك شكره
والله مامن سبب إلا أنت بفراقه

ناديتك بشوق محتاجك وبي سكره
سكرة غلا حتت من القلب اوراقه

بكيتك بصمت وعيون الرجا عكره
وأيّست منّك ومن وصلك ومشراقه

بالله خل بخفوقك لي بعد بكره
بعض الوفا واضحك ان مريت لاحداقه

ابكيك عشق وعيونك قادره تكره ؟
مالوم وقتي ولالي بالكسر طاقه

يا عز ناسي وقلب ٍ أنت محتكره
كرهت بعدك عبير والورد والباقه

ضحكات روحي , بعد فرقاك منكسره
والحزن خيّم على قلبي بأعماقه

كسير صوتي ووجدي لعنبوا مكره
حلمي تبخّر وماتت أجمل أشواقه

كنت آخر النّاس لكن / من عليه أشره
عادي هو الحظ من فاقه ليا فاقه

دام الهقاوي بأعز الناس محتضره
أكيد بغفي وقلبي الصبح , ما ذاقه

ودّي عيوني تنام سنين , منقبره
ما يسمع القلب في قبره عدا عناقه