مكسور خاطر

راحت وانا أدري ماهي بقد المراح
يبغى يغربلها الوادع الي حصل

ويبغى يهب الشوق وتهب الرياح
الين ما يجتاحها خوف وجل

وشلون نبغى نسج ونذوق انشراح
و ظروفنا قشرا ونيتنا وصل

ودون المواصل نار وسيوف ورماح
وانا لو تنادي على موتي عجل

من بعدها فاقد شعور الارتياح
ماكن بالارض الوسيعه لي محل

مكسور خاطر ايه ومكسور الجناح
ولا عاد عندي غير طاريها شغل

اليا بغيت اسج عادتني الجراح
الين قو الباس من عزمي رحل

وش ذنبنا لا صار مابيدنا سلاح
غير القناعه بالفراق الي حصل