كامل اندفاعي

جيت باحساسي وكامل اندفاعي
لجل عينك وانت ما تقبل تلين

جيت ناوي قربك بكل انصياعي
وانت تبعد كل ما قربي يحين

صرت عايش بين تفكير وصراعي
والهقاوي فيك ما ظني تزين

وصرت اجدف لو،،لوى موجك ذراعي
وصرت اقاتل لجل حبي لك يبين

والله ان حبك مغير في طباعي
كيف يرضى قلبي الجرح المهين

وقلبي الي كان من اول شجاعي
ترهبه هالحين نغمات الرنين

وصوتي الي كان من اول مطاعي
لو يصيح اليوم ما حصل معين

وادري ان الكون افياضه وساعي
لكن المحزون في حزنه سجين

ولا حسبت انك تفكر بالخداعي
لين شفت ان غايتك قطع الوتين

وصارت جروحك مثل لدغ الأفاعي
وانا مؤمن كيف الدغ مرتين

ولو بعيش بضيم وإلا في ضياعي
ولو يصيح الجرح واجر الونين

ولو بعيش العمر باقيه ارتياعي
والله انه مايرجعني حنين

ودامها وصلت الى حد الوداعي
والله اني ما اتمنى ترجعين