افكاري السودا

مدري وش الي صار لكن من العام
افكاري السودا براسي تدلت

كني سجينٍ منحكم حكم الإعدام
واطلق معاريفه من الناس ولت

لو هو تناسى عارف الموت قدام
ولو هو تفائل غصة الحلق حلت

ضاقت به الدنيا ولا بيده أحكام
وفي موطن افراحه جروحه تسلت

مسلوب حتى من طموحات واحلام
وحتى امانيه القديمه تخلت

كان بيديه يقاتل ظروف والآم
ويده القويه في قسى الوقت شلت

عاف الحياة وما بقى له من ايام
ومن زود طيبه دنيته له تبلت