شَرْخ العلاقة

جئتك وأنا كلّي مَحَبَّة و تقدير
و رَوَّحْت من عندك وأنا منك مصدوم

ياليتها قصّة عتاب و معاذير
وألا قضيّة كَبْوَة حصان و يقوم

السالفة جرحٍ عميق كما البير
حَزّ الرِّشا في طَيَّها مسوي ثلوم

من حَوْلها الخيبات وِرْد و مصادير
من كثرها درب المواريد مزحوم

شَرْخ العلاقة دمَّر الود تدمير
وعلومنا ياصاحبي صارت علوم

جَرح التعَمّد ما يداويه تبرير
مقسوم لكن مانسميه مقسوم

الله يعَدِّي هالبلاوي على خير
اللي بها المنصور خاسر و مَهْزوم

عبد العزيز بن شداد