صوت صيته

لـ عبدالله فهد الشمري، ، في الغزل والوصف، آخر تحديث

صوت صيته - عبدالله فهد الشمري

اجمل الاصوات والله صوت صيته
انطرب له مثل م اطرب للاغاني

هي صباح الخير يوم اني بديته
حسها حرك بي امال واماني

العيون اللي تقابلها بخيته
ماتشوف الضيق حتى لو ثواني

وردة ٍ(ن) من خالق عباده جنيته
واحمده هذي من اجمل ماعطاني

خندريس الزين ياربي عطيته
حسن ماشفته على مخلوق ثاني

عينها غدراء وليلتها سريته
ووجهها بشرى توافيق وتهاني

وخدها قطعة حلاوه واشتهيته
وان كليته حبه امن اول كلاني

وان حكت حكي الاودام مابغيته
طفلتي واسمع سوالفها معاني

تضحك الدنيا بضحكتها فديته
ياعساني فدوه لصيته عساني

غاليه عندي زعلها مارضيته
في زعلها ضاع واختل اتزاني

لو تبي حالي ومالي ماعصيته
احمس الدنيا لها بن اشقراني

روح ابوها يابعد حيّه وميته
بالمحاني والله انه بالمحاني

مامعاه الا صبا والبيت بيته
اختها تسكن معاها بالمكاني

© 2024 - موقع الشعر