أنتمي لك - عماد محمد الرشيدي

دام قلبي راح من كيفه يبيك
ما يجوز اني اسميها نهب

يمكن انه لاقيٍ راحته فيك
ويمكن انه من جفافي لك هرب

ولو احط الروح في راحة يديك
والله اني قابلٍ منك العتب

ماحدٍ قبلك ولا احدٍ يليك
انت فارق غير عن باقي العرب

وايه انا جدا ترا ميت عليك
وكل يوم يمر من دونك تعب

خلني عندك وقربني لديك
دام قلبي كل وادي لك ضرب

انتمي لك واشعر اني من ذويك
وادري مابيني ولا بينك نسب

في وسط روحي اضمك واحتويك
واتساهل لجل عينيك الصعب

© 2024 - موقع الشعر