امراقب الناس فيه اشخاص مرضانه - ناصر حمد الخالدي

امراقب الناس فيه اشخاص مرضانه
ويتعب معا ذالنمونه من يلاحيها

اتسد خانه وتفتحلك مية خانه
بلوا عسى الله من البلوا يشافيها

الكامل الله جليل الملك سبحانه
والا البشر ناقصه في شرع واليها

بكره ليا قابل الديان ديانه
كلن تبرا من اعلومن مسويها

لا طويت الصحف والله فك بيبانه
لعباده اللي نهار الحشر يجزيها

قولت انا افلان والا انا اخّو افلانه
كثر العزاوي ما عاد اتفيد راعيها

اطلب من المحسن انه فيك بحسانه
يرحمك والا انت يا اخي رايحن فيها

ما فيه حاجه تسويها على شانه
حتى الصلاه اللي لوجهه نصليها

ومن يفعل الخير في ربعه وجيرانه
لا يفعله لجل خلق الله يوريها

لا صار صافط ومع ذا زايد ايمانه
يسراه عن مدت ايمينه يخفّيها

وان جاه قضّاي عازه وسط ديوانه
لا يفضحه بالعرب لا صار قاضيها

اليا قضاها يحط الصمت عنوانه
وان ما قضاها لا يمحقها ب تاليها

ومن يسلم الناس من يديه والسانه
الناس عن فزعته ربي بيغنيها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر