اشخاص --- وأشخاص --- - فرحان الراشد

تغيرت الاحوال وظروف الانسان
فكرت فيها في جميع المجالات
 
شخصن بدون وتايهن بين الاوطان
والشخص الاخر ضايعن في متاهات
 
وشخصن نصوح ويدعي الله بغفران
وشخصن اذنوبه مالها من نهايات
 
وشخصن يموت وشخص طايح بالاحزان
وشخصن يشوف الوقت كله مسرات
 
وشخصن بهمه ميت القلب عميان
وشخصن تقي ماينخدع بالملذات
 
وشخصن على حظه يلعن وندمان
وشخصن تشوفه في عيونه عتابات
 
وشخصن على خله شفوقن ولهان
وشخصن يشوف الربع كيلو مسافات
 
وشخصن على كيفه يجرح وخوان
وشخصن جريح ولا حصله سلامات
 
وشخصن وحيد القلب ولافيه خلان
وشخصن عطاه الحظ حب الجماعات
 
وشخصن تشوفه يبتسملك وفرحان
وشخصن يحظرلك اكبار المظرات
 
وشخصن يقدملك دلايل وبرهان
وشخصن جميع اللي يقوله خرافات
 
وشخصن قنوع ودايم الدوم ربحان
وشخصن شجاع ويعجبك بالمهمات
 
وشخص بخيل ويحسب الطيب خسران
وشخصن كريم ولايعد الخسارات
 
وشخصن تعيس ويقضي الليل سهران
وشخصن قضى عمره بهون ومذلات
 
 
جريح الخطاوي ---
© 2024 - موقع الشعر