قوة زهير

حسنك يصنف من انواع الشجاعه
ساق قلبي وسيفك بوسط الجفير

وجيش صبري انهزم غادر قلاعه
يوم واجه فتنتك باع الضمير

ما يفيد القلب لو عزز دفاعه
ياخذه زينك إلى حسن المصير

وحكمك الي وسع بنفسي اتساعه
في جبروته مثل قوة زهير

ما حكم غطفان يا كود بذراعه
ودون عبس يناطح الجمع الغفير

احكم وكلمتك في روحي مطاعه
دامك بقربي ترا الدنيا بخير

انت كنزي لو ما اخذتك من قناعه
وانت حبي الاول وانت الاخير 

ما يجي صلح المحبة بالشفاعه
لاحصل مابينا هجر ونفير

حاول انك ما توصلها قطاعه
دامني مفتون بك وانا أسير

شخصٍ يحبك ترفق به وراعه
لا تورد قلبه لنار السعير

قلبه الي حبك وجاته طماعه
مايبي يوقف لنا ظرف ومصير