محطات الفراق

ترا الحنين أصعب محطات الفراق
واليا ذكرتك ضاع صبري وجهدي

كنت اعرف ان العمر دونك ما يطاق
وكنت اعرف اني دون وصلك باغدي

لا تسمعين الهرج فيني والنفاق
جودي علي بالوصل ارجوك وعدي

ما يوسع الخاطر سوى قرب وعناق
ازريت اصبر روحي وباح جلدي

مدي علي الوصل بالكاس الدهاق
خليني انسى كل همي ونكدي

قومي اسعفيني من شفاياك العتاق
في سلسبيل شفاك انعاش الصدي

انتي دخلتي الزين من أوسع نطاق
ولحدٍ يلوم ان طاح قلبي في يدي

بذمتي والي رفع سبعٍ طباق
انك دواء روحي وقلبي وسعدي

ماغيرك انت الي له الخافق يساق
لو ان جرحي منك للحينه ندي