الحظ فينا تجمل - سعد الطبيخي

العام كنا في هواء الحب عشاق
واليوم كلن في طريقه توكل
من عقب ماكنا ولايف ونشتاق
انا اشهد ان الحظ فينا تجمل
 
لاتسمع الحاقد ولاتتعب الساق
مدام خلك من جروحك تحمل
روحي لك احساسن وقلبي لك اروق
ولاني بكذابن ولاني امثل
 
الله قسم يبلاك بي حب واشواق
من شانك العقل بحياته تبهذل
من يوم شفتك تتبع العاذل الحاق
ايقنت حبي في خفوقك تبدل
 
معاد فالخاطر ولا النفس مشراق
الصدر عايش ظلمته ماتحمل
نجمع قصيد الحب والوقت حراق
ليته على فرقاي حن وتمهل
 
مدري علام الوقت حاير ومنضاق
ومدري علام الحزن وده يتعجل
ماني على بعده شفوقن وتواق
ولاله على فرقاي رمش وتكحل
 
عسى اللقاء يكشف جروحن بالاعماق
ويرجع عن الفرقاء وقلبه يتغزل
العام كنا في هواء الحب عشاق
واليوم كلن في طريقه توكل
© 2022 - موقع الشعر