ياقصيدي تجمل

ياقصيدي تجمل مفرداتك ثقال
خط أجمل تعابيري بخد الطروس

هاجس الشعرجاله وسط صدري مجال
بعد طولت غيابه حضرت به هجوس

اعصفت بي عواصيفه يمين وشمال
وكنت متوقع انه مايجيني فروس

لين جتني طوابيره وحان النزال
وردن في مساء ليل(ن) طويل(ن) عبوس

صارفيه الطراد وكثر فيه الجدال
بين ماض(ن) سعيد وبين عصر النحوس

دارت براسي أفكاري على كل حال
كني الزير ابوليلى بحرب البسوس

قلت ابضرب بسيفي بس روس الجزال
الهزيلة لهلها ماتوقي ضروس

فارس(ن) مايهاب وضاري(ن) للقتال
وشاعر(ن) للجمال وفاهم(ن) للدروس

مثل مابه جبال هناك تلقى رجال
قمة المجد تشبه للجبل لوتقوس

ماتجي بالسهولة دون جهد(ن) محال
كم فارس تجندل دونها بالطعوس

ونايف الي رقا في راسها بعتدال
وأحتفل فوق قمتها بعيد الجلوس

ابوسلمان نال السامية بالكمال
مثل مانال شعري به تجلا النفوس