كنك ولاتدري - سعد الطبيخي

وينك تروح وتسقي القلب بالهم
الهم الاقشر ياحبيبي بلاني

يانور عيني شف دموعي على الكم
اقسى من دموع اليتيم بزماني

كنك ولاتدري سقيت الحشاء سم
من خاف ربه كيف يصبح اناني

وكنك ولاتدري بكيت الغلا ثم
من بعد هجرك خاطرك ماحتواني

وسمع لصوتك جايني وحسبك حلم
واثرك بصوتك عاشين فالمحاني

الله يسامح من خطاء وعاشبي غم
روح عساء ربي يقوي زماني

العشره اللي بين احاسيسن وظم
عزيتها يالين جرحك كواني

وبليت عمري فيك لين الحزن عم
بقصى ضلوعن عوج صد وبكاني

وشلون تجفاني وانا قلتلك تم
يفداك قاصي القلب ويفداك داني

واليا هدر دمعك مسحته على الكم
وقول ياجعل الحزن في زماني

واثرك تسلا وخاطري بالهواء زم
خابت ظنوني وكيف حبك عماني

ياللي صدمت الروح بقوللك سم
وكانك عطيت الهم همي عطاني

وان كان شفي بالسماء رحت له خم
ابغيه مير الهجر منك حداني

واليا بغيت النوم قال النظر قم
وش فايدة نومك وطيفك شعاني

وان كان ترجي موتي ارجوك لي صم
مبيك تاخذ ذنب ولا بيك جاني

شفها عيوني من السهر ساهره ظلم
من همن اقشر ياوليفي خذاني

ياما نزف دمعي من البعد لك دم
جفت دموعي من حبيبن رماني

وانا عصي الدمع حاذر ومهتم
احبس دموعي بين عاذل وجاني

© 2024 - موقع الشعر