تقطع يدي - عبدالهادي ماثل

ماقلت لي وشلون .. راح العمْر من بين الزحام
ولا قلت لي وشلون .. طوّعت الخيانه يابعدي !

يعني كذا تصمْت وتقلب نورك الساطع عتام
الصمت خيّم في ظلام الليل وانهكني جهدي

هذا عشان إني عطيتك صافي إحساس الغرام
تقسى على ماتشتهي لا والله الا تعتدي

مديت لك يدّي ( غلا ) يوم إنها لغيرك حرام
ومن بعد مامديتها تقسى وتقطع لي يدي !

في رغبتك حبلين منسوجه من سلوك الظلام
وفي رغبتي حبلين منسوجه من الحظ الردي

حبلٍ على درب الوفاء ما خلْ في نهج النظام
وحبلٍ على ذكراك عانق ف السماء نجم الجدي

تخون في عهدك وتنسى مامضى لك من كلام
وانا شربت العهد ليْن أنه تسيّح في أوردي

ضحيتك قلبٍ يهيم إن كان ماتعرف هيام
شفّني على فرقاك هايم في مساحات ابلدي

وشوف المشاعر كيف صارت عقب فرقانا حطام
( لدْ ) .. عينك شوف وضعي يمكن إنك تتهتدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر