يا خـال

البارحه يوم املح الوجه رَقّاد
يالمسطحي ماذاقت النوم عيني

همٍّ خلج بين السراجيف وقّاد
من جور وهّاجه تراهج يديني

ياخال ماقولي تعابير ودّاد
ولَا من الباشات جيّش حنيني

الّا على قرمٍ سقا الضد بالضاد
صميدعٍ اسمع صداه ويجيني

نشكي يابو خالد عقب شوفك بعاد
حيثك بترحالك وحلّك حسيني

علّ بمقامك يفلج المزن رعّاد
ويعجّ فجّاجه شمال ويميني

وانا على العادات ماعدت معتاد
لو عنّب الزملوق فالجرد تيني

هذا ولك منّي عقب تم الانشاد
طيب السلام ودعوة المسلميني