فايق الوصف

ياطاري الصبح قبل الصبح وتغييره
تفيض فيني هجوس الليل واحبسها

لو الزمان المريب اوهم بتفسيره
اشياء نجهل بها صرنا ندرّسها

الشاعر المغرم اسّس بالهوى سيره
ماكان غيره من العشاق اسّسها

افهم دواعي هواه ومُرّ تأثيره
واعرف خبايا خفاه وكيف بلمسها

اظنّ ما كل تأخيره بها خيره
ابسبق الناس من يمّه وانافسها

احب لاصار قربي حيّها جيره
نفس المواصيل وموعدها و مجلسها

يافايق الوصف خان الوصف تصويره
ابيات اغنّي بها و ابيات انكّسها

حتى المرايا غدى في حالها حيره
تضم في صورتك او هي بتعكسها ؟