من حضر فعله يقط اله العقالي - صالح سيف ميزر العازمي

موتري شهرين واقف فالمظله
عن لهيب الشمس جبتك بالظلالي

احتفظ بك يالشفر مامن ممله
لين نجم سهيل اشوفه فوق عالي

ثم شلنا باغين دربن ندله
مع فجوجن دونها جرد السهالي

مع نشامن خاطر الضايق تفله
كلهم صافين ملحقة التوالي

كل واحد من كلامه ما تمله
رايهم عادل ولا فيهم ميالي

راعي القرناس سجاته أدوله
يحسب الايام ويعد الليالي

لو قعد شهرين والله جايزله
في فياضن تو معه السيل سالي

ليا كفخ منه المصقر جاهزله
اشقرن من كف ذربين الاعيالي

يلحقة فالجو مع عنقه يتله
جاه من فوقه مثل دلو المحالي

صاطين كبده على شوفه مغله
من حضر فعله يقط اله العقالي

© 2024 - موقع الشعر