الذكرى الحزينه

رغم اني معاندً فيه الجماعه
باعني للضيم والذكرى الحزينه

والله ان قلبي تعنى باندفاعه
وعاف قربه والهوى وتالي سنينه

لو رحل واخذ معه باقي متاعه
كان خفف وقع جرحي والغبينه

بس خلا وسط قلبي له بضاعه
وانا حافظ كل حاجه له ثمينه

والله اني ما حسبها من طباعه
لين شفته باعني بكامل يقينه

حسبي من الفقد بلواه وضياعه
وحسبي ان الصدر يدكه حنينه

كيف انا اتحمل فراقه ووداعه
وانا قاسم عمري مابيني وبينه