ماعاد بالدنيا مطامع و خلان
ولا عاد فيها شي يا عاشقينه
خلوني اقضي تالي الليل سهران
موتي ولا نفسي تذوق الغبينه
اهدي النفس الحزينه بقيفان
ماهوب شعر ٍ صفق امجاملينه
لا والله الا ضيقة ٍ تربك الجان
حنين صدري مشتبك مع قرينه
باليد جوالي و بالجيب دخان
يكنْه اللي ما عصا والدينه
غلطان ادري بعض الاحيان غلطان
انا بشر ماني بمثل المكينه
يلفني عاصوف وقتي بالأحزان
وأجر صوتي بالبيوت الحزينه
أحيان أدنق حيل لا صرت بحلان
وأحيان أدك القاف وأرجع وأهينه
أصيد من فكري كما صيد مرجان
ماهوب شعرن للنساء جالبينه
شاعر وفي راسي ثمانين شيطان
وابهج قلوب امدورين السمينه
ويبقى شموخي شامخٍ مثل برزان
قصر ٍ بقى لو شتتو ساكنينه
وكانه على حظي فنا دوم خسران
لو كنت أجيب امن النوادر ثمينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر