علي الحرام اني ،،، طرقت الجزاله طرق
يالين العدا ماتت ،،، من الحقد مقهوره
تقول ،، الجزاله ،، يابن راشد تعال وارق
واجيها ،، وانا شاعر يبي ،، ينفض شعوره
من افضل سلاله احمد الله واعرق عرق
وشاعر ،،، على روس العرب اعلن الثوره
ليا جابو ،،، الشعار ،، عندي يبين الفرق
من الشاعر الصح ، ومن الشاعر الصوره
تطارى قصيدي ياعرب بين غرب وشرق
وراع ،، التنقد ،،، ماستر ،،، بالشعر عوره
انا لي على ،، روس المخاليق رعد وبرق
ولي ،، شعر يتخلد ، مع الوقت وعصوره
مانيب اخذ الابيات واسرق ياربعي سرق
اجيب ،، القصيد الجزل ، والدم به فوره
حرقت القلوب الحاقده من قصيدي حرق
يالين اغلب قلوب العرب جات مكسوره
فصيدي مثل سهم الحرابه ،، ويزرق زرق
وانا اعرف قصيدي واقفً ،،، قدم طابوره
تركت السماجه فالمجالس ،، ونقد وقرق
وتوجهت صوب الجزل واسرفت ببحوره
يهيّض شجوني في صباحي لا ناح الورق
مثل ما تهيض الناس من صوت ابو نوره
الشاعر مسعود القحطاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.