بالله ريم الفلات وين انتِ وصلك نداي

بالله ريم الفلات وين انتِ وصلك نداي
صوّت انادي عليك بين الضما والونين
..
جيتك ودربي بعيد جيتك وسمّح نباي
بالله يا مكتوين عقب الفلا صرت وين
..
ما شفتها يا سحاب يومك تسير بهواي
ما شفتها يا خزام ماجتك مشية حسين
..
ما شفت ذيك العيون اللي رموشه دواي
ما كان عندك عطور من عطرها يا فطين
..
له شعر وافي طويل تراهِ قصة وفاي
مهللٍ خصلتين مقصوص فوق الجبين
..
حكيه وكلّه حنين اشواق ماله سواي
ليته تسولف معاي ودي ابيح الكنين
عبدالرحمن الجربوع