وين السعآده والهنآ وين الافرآح..؟ - سامي المطيري

وين السعاده والهنا وين الافراح
اكذب ليا قلت السعاده تجيني

انا حياتي صارت اجراح ف اجراح
وهمن يبيح ماصفآ في كنيني

الدمع في عيني ولا عمره انزاح
والحزن في قلبي سكن من سنيني

قضيت عمري بالتناهيد وصيآح
حتى فرح لو ساعتن مايجيني

لاجيت ادور راحتي كيف ابرتآح
وانا الشقى مكتوب بأعلى جبيني

عشرين عامن ماتهنيت ياصاح
وزود ثلاثه فوقهآ يآعويني

حزن يلوح وحزن باقي ولا لآح
وحزنن معي من وين مالد عيني

هذي حياتي عشتهآ دون الآفراح
مجبور اعيش ايام عمري حزيني

......................................................
سامي المطيري ( خمر الارياق)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر