يا من قسيتي

يا من قسيتي تْرَفَّقي
....... داوي الجراح في خافقي

حِنِّي على قلبي الجريح ..
يا من قسيتي .. تِرَفَّقِي

****
شَقِيَّة ..ولِك طَبْعٍ شَقِي

....... سِيبِي الشقاوه وأعْشَقِي
حِبِّي إللّي حَبِّك من صحيح ..

وَلْطَعْم حُبِّي تْذَوَّقِي
****

قليل من عمري إللي بِقِي
....... صُونِيه .. وإنْ شِيتِي أسْرِقِي

العمر ضاع وأنا طرِيح ..
الشِيب غَطَّى مَفْرَقِي

****
اطلقي سراحي أطلقي

....... وفُكِّي قيودي وأعْتِقي
قيدِك تَرَك دَمِّي يسيح ..

وأتعَب كفوفي ومرفقي
****

كم صِحْتْ : لا لا تِفرقِي
....... ولْقَلْبْ خِلَّك تِحْرِقِي

وش غَايِتك ؟! .. قَصْدِك اطيح ؟
لجل انتي تِعْلِي وتِرتِقِي ؟

****
أنا أصيل ، وقلبي نَقِي

....... صاين عهودي ، ومِتِّقِي
طيب . كريم . مخلص . سميح ..

والصدق دايم منطقي
****

ياشمس أمالي أشرقي
....... يازهرة أحلامي اورقي

ياغيمَة الصَّفْوَ المليح ..
هِلِّي رَذَاذِك وأبرِقِي

****
يَاحلْوَة : لو مَرَّة أصدقِي

....... وأنْهِي مُصَابِي وأشْفَقِي
ودّي بْكَلام واضِح صَرِيح ..

قولي الصراحة .. وأنطقي
****

ليه للقساوة تعشقي
....... وتهوي الجراح لْخافقي

حِنِّي على قلبي الجريح ..
يا مَنْ قسِيتِي : .. ترفَّقِي