مع السلامه ياوجهٍ كنت اعدّك وليف

مع السلامه ياوجهٍ كنت اعدّك وليف
اتعبت روحي على وصلك وهان اتعبي

جيتك على نيّةٍ زينه وقلبن نظيف
ولا هقيتك تظن اني عليك اللعبي

عيّفتني كل شي ورحت منّك معيف
من بعد ماكنت عندي غايتي واطلبي

ياليت ماكان حظي يوم جابك ضعيف
ماكان وضعي كذا مدري وش اللي تبي

يجفاك قلبن ربيعه مايعوّد خريف
مرابعه ماصفت إلا ل صغير الظبي

ويجفاك موقن بدمعه غاديله ذريف
ماطاح إلا على الغالين يومي صبي

ماعاد لك شي في قلبن كيانه رهيف
رح دوّر اللي يناسب وضعك الغيهبي

انا عليّ البعاد اللي من الله كليف
وانته عليك السلام اللي ومره النبي