والله اني داريً انك ما دريت

والله اني داريً انك ما دريت
عن غرامي فيك ياعذب الصفات

والله اني يا حبيبي ما لقيت
مثل زينك بين كل المترفات

والله اني من وصالك قد حييت
من بعد ما طال موتي والسكات

احسب انك بين اضلاعي صحيت
لين شفتك بين اضلاعي تبات

الله المعبود ماغيره نصيت
يوم ضاق الصدر والعالم سبات

يا الهي قد رجيتك ما رجيت
غير اسمك وانت خلاّق النبات

طالبك ترحم دموعي لا بكيت
عن حبيبً راح من دون التفات

اذكر انه لو يسولف ما حكيت
لين ينهي الهرج مزيون البنات

اشهد اني معك ياغالي هنيت
يا عظيم الصدر يا حلو الشفات

لو ادور مثل زينك ما رأيت
زينك اللي قد تخبى في العبات

وانت تدري يا غناتي ابتليت
في غرامك وانت في قليبي غنات

ذكرياتك وسط بالي ما بقيت
ذكرياتك غير كل الذكريات

اذكر اني في القصايد قد قريت
اسمك اللي فارقً عن كل ذات

ما هقيت الحب صعبً ما هقيت
من غرامك جبت اسمك في الصلات

يوم شفتك عن نظر غيرك عميت
لو رأيت الزين من كل الجهات

دام لك بالصدر يا خلي مبيت
ابسعفك لا حل ليلي بالشتات

قد جنيت الحزن في بعدك جنيت
يوم تبعد من ورى نهر الفرات

ياحبيبي دام في بعدك رضيت
طالبك يا زين قلي شالسوات

ليه عن قلبي وروحي قد جفيت
ليه تجفى من يحبك واستمات

الشاعر مسعود القحطاني