القهر لا قيل وش اعظم قهر

لـ مسعود القحطاني، ، في الغزل والوصف، آخر تحديث

القهر لا قيل وش اعظم قهر - مسعود القحطاني

القهر لا قيل وش اعظم قهر
ساع ما قفى وليفي في مساه

كنت إنا وياه عشّاق السهر
ساهرين وحاضنه يدي يداه

يا طهر بالله يا احلى طهر
ارجعي لي وانعشيني في الحياه

الحديقه امتلت ورد وزهر
كلها تشبهك يا طوق النجاه

عاد تدري ويش تعريف النهر
هو شفاك الزين يا حلو الشفاه

وعاد تدري اعشقك طول الدهر
وانت من هو دايمً قلبي معاه

ابك إنا حصنك وجنبك والظهر
من صواديف الزمان وما وراه

انتي اللي ما عُرفتي بالعهر
ساتره جسمك تحت ستر العباه

ماشريتك لجل ادفع لك مهر
بدفع عيوني وعمري مع ولاه

ماشريتك يوم واسبوع وشهر
اشتريتك عمر ما ابغى سواه

من يشوفك يا جميله ينبهر
في جمالك راح يحكي كالرواه

قد دعيت الله سراً مع جهر
يحفظك للعين يا ريم الفلاه

الشاعر مسعود القحطاني
© 2023 - موقع الشعر