الوقت

لـ نوره العطاوي، ، في الحكمه والنصح، 10

الوقت - نوره العطاوي

ا‏ه واويلاه كيف الوقت دار
‏كنت احسبه عدل واثره يستدير
‏غرني في بادي الامر المسار
‏سرت بالخطوات واسرعت المسير
‏ساقني وانسقت سوقٍ بنبهار
‏وجرني مع سكته سلك الحرير
‏مادريت أن التأني فالقرار
‏حكمةٍ والعاقل اللي يستشير
‏انصحوني واحسب العاذل يغار
‏ وانذروني مير كذبت النذير
‏ياسراب الوقت صعب الانتظار
‏جف نبعٍ كنت احسب انه غزير
‏كل مبني حلم جا،فيه انهيار
‏تكبر الهقوه ويرجع لي صغير
‏ولاسعيت إلا لرد الاعتبار
‏ياهلي قولو عسى فالامر خير
‏العتاب الصلف لاحساسي دمار
‏والنصايح تجرح القلب الكسير
‏احتوو قلبٍ من النكران صار
‏كل نبضه توقد بصدري سعير
‏كن حالي بين نار بين غار
‏ ان وقف للغار وان طاح بهجير
‏ او مثل زابن من الرمضا،لنار
‏كيف صلو النار للزابن مجير
‏اشهد اني تهت في وضح النهار
‏وحلو وقتي خالطه علقم مرير
‏سامح الله من على الاحساس جار
‏مايعرف الروح ماتقبل خشير
‏الموده فالقلوب الها قرار
‏ليا استقرت مثل تقرير المصير
‏الاصيله ماتروم الانكسار
‏والحمى تحميه من جور المغير
‏ويوم بان أن الوفا فيه اندثار
‏مرتضي بالهون لو مهمايصير
‏بنت قومٍ لياعتلت قب المهار
‏يدحمون الخصم بالسيف الشطير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر