لا ياغزال ٍ في محل ٍ خلاوي - شقير بن عقيل الجذع

شقير بن عقيل الجذع
لا ياغزال ٍ في محل ٍ خلاوي

عليك من خلي وصوف ٍ قليلات
محجر ورمش ٍ فوق الأوجان ضاوي

وعنق ومخاذع وإلتفات ٍ بصدات
وصفك ووصفه يا غزال متساوي

ويمتاز عنك بعدة أوصاف حلوات
يفرق بعين ٍ مثل عين النداوي

وعليه من شيهانة الشط أشارات
سود ٍ عيونه يخلفن الهقاوي

ويثر بصدر مولع القلب دقات
عليه يكويني من الحب كاوي

كي المريض اللي بعد كيته مات
فقير من فقده بشوفه غناوي

يسير في حبه ليال ٍ طويلات
مريض لو يفحص عليّ المداوي

يصعب عليه ويشتبه فالأشاعات
ولو قلت أباخذ فحص قلب وكلاوي

مابان لو منه المعاليق خطرات
جرح ٍ لجا والله على الكل قاوي

علاّم بالبيّن وبالمستكنات
الحب نقص بكل قلب ٍ شقاوي

ودواه ما يورد على الصيدليات
ماله علاج ولا طبيب ٍ يداوي

إلا أنت يا راع العيون الكحيلات
يا غصن ريحان ٍ على الحوض راوي

يعدل عليه من المدي عشر مرات
عليه ساق العين ماش ٍ نحاوي

ريّان عوده والزماليق غضّات
ماله حليٍّ بالحضر والبداوي

ولا بالقرى يوجد ولا بالجزيرات
إلا عليه من الغزيّل مهاوي

خشف ٍ من أصوات المصاليع حذرات
وساعة ماشوفه كن جوي خلاوي

كني ورى البيبان دوني خفارات
أعوي عوى ذيب ٍ حدوه الشواوي

مفلس وجار ٍ له من الجوع لوعات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر