مشيت باقدامي وللرجم عديت - حسن عامر

مشيت باقدامي و للرجم عديت
رجمٍ عليه من الهبايب سوافي

ولّعت لبيوت الشعر عود كبريت
من وسط صدري بوحها والقوافي

في عالي المرقاب للصوت جريت
واظهرت من بين الحنايا الخوافي

يالله ياالمعبود ياوالي البيت
لامرك سجود جباهنا والطوافي

أنك تثبتنا على الشرع تثبيت
لاصار في بعض الامور اختلافي

وارفع وباءً شتت الناس تشتيت
فتكه بنا مثل الحدود الرهافي

الحي في تال الزمن يغبط الميت
لما يراه من السنين العجافي

نار الغلاتلهب مثل شعلت الزيت
لا وحليل اهل الفقر والعفافي

وكثروا شياطين البشر والعفاريت
ضدّالضعوف وقوفهم باصطفافي

يالله يامن تفعل لكل ماشيت
مافيه غيرك لاهل الامراض شافي

نرفع لك ايدينا على كل توقيت
ياملتجى المستنصرين الضعافي

يامن بعث خيرالبشر عالي الصيت
صفوة قريشٍ جدّه ابن منافي

حسن عامرآل عيسى
© 2024 - موقع الشعر